Бугун,

  • USD 11014.01
  • RUB 191.8
  • EUR 10674.78

Мактабгача таълим вазири бошчилигидаги делегация таълимни ўзгартириш бўйича бўлиб ўтаётган дастлабки Саммит доирасида ЮНЕСКО томонидан «14—16 ноябрь кунлари Тошкент шаҳрида бўлиб ўтадиган Кичик болаларга таълим бериш ва уларни тарбиялаш бўйича II-Жаҳон конференциясига бағишланган расмий зиёфат ташкил этилди.

Фото: Мактабгача таълим вазирлиги

Фото: Мактабгача таълим вазирлиги

Унда ЮНЕСКО бош директори ўринбосари Стефани Жанинни, «Lego foundation» жамғармаси директори Анн-Биргитте Албрексен, халқаро ташкилотлар вакиллари, 35 нафардан ортиқ ЮНЕСКОга аъзо давлатларнинг таълим вазирлари иштирок этди.

Тадбирда Ўзбекистон Мактабгача таълим вазири Агриппина Шин, шунингдек, бош бошқарма бошлиғи Шаҳноза Мирзиёева иштирокчиларга халқаро конференцияга тайёргарлик кўрилаётгани ҳақида маълумот бериб, барчани Тошкент шаҳрида бўлиб ўтадиган анжуманда бевосита иштирок этишга таклиф қилди.

ЮНЕСКОга аъзо давлатлар вакиллари, халқаро ташкилотлар раҳбарлари Ўзбекистонда мактабгача таълим соҳасида амалга оширилаётган ижобий ўзгаришларни юқори баҳолади ва бўлажак конференцияда ўз делегацияларининг иштирок этишига қизиқиш билдирди.

Изоҳ
Асосий янгиликлар