Навоий вилоятининг Кармана туманида иссиқхона қуриш мақсадида ажратилган 150 миллион сўм имтиёзли кредит маблағи талон-торож қилингани аниқланди. Бу ҳақда Бош прокуратура ҳузуридаги департамент хабар берди.
Маълум қилинишича, АТБ «Микрокредитбанк» Кармана филиалининг мурожаатига асосан департаментнинг Кармана туман бўлими томонидан терговга қадар текширувда ўтказилган.
Текширув давомида аниқланишича, «К.Й.» ишлаб чиқариш корхонаси раҳбари Н.Ж. ва «К.Д.» МЧЖ масъул шахслари банкдан замонавий иссиқхона қуриш мақсадида ажратилган 150 миллион сўм имтиёзли кредит маблағини «К.Д.» МЧЖ ҳисоб-рақамига ўтказиш орқали нақдлаштириб, талон-торож қилган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)