Самарқанд давлат архитектура-қурилиш институтида бўлим бошлиғи бўлиб ишловчи шахс қўлга олинди, дея хабар қилмоқда вилоят ИИБ.
Ҳуқуқни муҳофаза қилувчи органларга фуқаро ариза билан мурожаат қилиб, жияни С.ни ўқишга кириши учун ҳужжат топшириш тартиби билан танишиб юрган вақтида, Самарқанд давлат архитектура-қурилиш институти Сиртқи бўлим бошлиғи билан танишиб қолган ини, ушбу шахс унинг ишончига кириб, жиянини дизайн факультетига ўқишга жойлаштириб қўйишини айтиб, эвазига 5000 АҚШ доллари миқдоридаги пулларни талаб қилганини маълум қилиб, унга нисбатан қонуний чора кўришни сўраган.
Мазкур аризага асосан, 2022 йил 1 июль куни Самарқанд вилояти ИИБ ЖҚБ Коррупция ва иқтисодий жиноятларга қарши курашиш бўлими ва ДХХ Самарқанд вилояти бошқармаси ходимлари ҳамкорлигида ўтказилган тезкор тадбир давомида, Х.V. ариза муаллифидан талаб қилган 5000 АҚШ доллари миқдоридаги пулларни олган вақтида ашёвий далиллар билан қўлга олинди.
Мазкур ҳолат юзасидан Самарқанд шаҳар бўйича ИИО ФМБ томонидан терговга қадар текшириш ҳаракатлари олиб борилмоқда.
Мавзуга доир:
- Ўзбекистоннинг 3 та ҳудудида валютани ноқонуний муомалага киритилишининг олди олинди
- Сирдарёда фуқарони Тошкент давлат политехника институтига 5 минг доллар эвазига киритиб қўйишни ваъда қилган шахс ушланди
- Тошкентда электрдан қарздорликни камайтириб бериш учун пора олган электр тармоқлари корхонаси ходими ушланди
Изоҳ (0)