Анқара Мадридда эришилган келишув доирасида Туркияда террорчиликда гумонланган 33 кишининг Финляндия ва Швециядан чиқариб юборилишини талаб қилади. Бу ҳақда Туркия адлия вазири Бекир Бўздағ маълум қилди.
«Биз янги келишувга кўра, бу мамлакатлардан террорчиларни экстрадиция қилишга интиламиз», — дея вазирнинг сўзларини келтиради Arab News.
Туркия, Швеция ва Финляндия раҳбарлари томонидан имзоланган уч томонлама меморандумда, хусусан, Хелсинки ва Стокгольм Анқарага терроризмга қарши курашда ёрдам беришга содиқ экани ҳамда Туркияда террорчи деб ҳисобланган курд гуруҳларини қўллаб-қувватламаслиги қайд этилган. Бундан ташқари, НАТОга киришга ҳаракат қилаётган бу иккала давлат Туркиянинг бир қатор курд фаолларини экстрадиция қилиш бўйича сўровларини ҳам кўриб чиқади.
28 июнь куни кечқурун Туркия Швеция ва Финляндияни НАТОга киришига қарши эътирозларини қайтариб олгани маълум бўлди. Мадриддаги альянс саммитида иккала Скандинавия давлати ҳам альянсга қўшилиш таклифини олиши кутилмоқда. Кейинчалик, томонлар кириш шартлари бўйича келишиб олиши керак. Агар барча аъзо давлатларнинг парламентлари ушбу қарорни ратификация қилса, Швеция ва Финляндия НАТОга аъзо бўлади
Изоҳ (0)