Навоийда ота маст ҳолатда 16 ёшли ўғлини ўлдириб қўйди. Бу ҳақда «Менинг юртим» телеканалининг «Марказий студия» информацион дастурида маълум қилинди.
Маълум қилинишича, соат 09:00 да ота меъёрдан ортиқ спиртли ичимлик истеъмол қилиб уйига қайтган. Гумонланувчи мастликда арзимаган баҳоналарни рўкач қилавергач, 16 ёшли ўғли билан даҳанаки тортишиб қолган.
Бошланган тортишув бироздан кейин жанжалга айланган. Бунинг оқибатида ҳуши ўзида бўлмаган ота жаҳлини жиловлай олмай, ошхона пичоғи билан ўғлини пичоқлаган.
Ҳодиса юзасидан бўлган муҳокама жараёнида маҳалла идораси ҳамда тегишли масъуллар томонидан йўл қўйилган камчиликлар жиддий танқид остига олинган ва таҳлил этилган.
Аввалроқ Самарқандда ўғил ўз отаси ва акасини болта билан чопиб ташлагани, Сирдарёда хотинини фарзандининг олдида 14 марта пичоқлаб ўлдирган эркак 17 йилга қамалгани, Фарғонада 45 ёшли эркак хотинини болта билан чопиб ташлагани тўғрисида хабар берилганди. Мавзуга доир:
Изоҳ (0)