Жазирамада айни муддао: тетиклантирувчи хусусиятга эга 4 хил музли чой рецепти

Ёзнинг иссиқ кунларида энг яхши тетиклантирувчи ичимликлардан бири музли чой бўлиб, уни тайёрлаш жуда осон. Marie Claire нашри мазали ҳамда фойдали ичимликнинг 4 хил рецепти билан бўлишди.

Лимон ва райҳонли чой

Керакли маҳсулотлар:

• ярим бўлак лимон;
• райҳон барглари;
• кўк чой — 2 пакет;
• қайнаган сув — 3 стакан;
• асал.

1. Лимон, райҳон, кўк чой ва асал идишга солиб, устидан қайноқ сув қуйилади.
2. Чой 15 дақиқага қолдирилади ва ичидан чой пакети олинади.
3. Ичимлик тўлиқ совиши учун 3-4 соатга музлаткичга қўйилади.

Кокос ва лаймли чой

Керакли маҳсулотлар:

• қора чой — 2 пакет;
• ярим бўлак лайм;
• кокос суви — 3 стакан;
• асал.

1. Лайм, чой ва асал бир идишга солинади.
2. Маҳсулотлар устига қайнатилган кокос суви қуйилади ва 15 дақиқага қолдирилади.
3. Кейин чой пакетлари олиниб, ичимлик музлаткичга 3-4 соатга қўйилади.

Шафтоли ва занжабилли чой

Керакли маҳсулотлар:

• шафтоли — 1 дона;
• кўк чой — 2 пакет;
• занжабил — 4 бўлак;
• қайнаган сув — 3 стакан;
•  асал.

1. Тўғралган шафтоли, асал, занжабил ва чой бир литрли идишга солинади.
2. Устидан қайнаган сув қуйилади. Кейин чой пакетлари ва занжабил бўлаклари олиб ташланади.
3. Ичимлик яна 3-4 соатга музлаткичга қўйилади.

Маймунжон ва ялпизли чой

Керакли маҳсулотлар:

• маймунжон — ярим стакан;
• ялпиз барглари;
• кўк чой — 2 пакет;
• қайнаган сув — 3 стакан;
• асал.

1. Маймунжон, ялпиз, асал ва кўк чой идишга солинади.
2. Устидан қайнаган сув қуйилади ва 15 дақиқага қолдирилади.
3. Ичидан кўк чой олиниб, 3-4 соатга музлаткичга қўйилади.