Yozning issiq kunlarida eng yaxshi tetiklantiruvchi ichimliklardan biri muzli choy bo‘lib, uni tayyorlash juda oson. Marie Claire nashri mazali hamda foydali ichimlikning 4 xil retsepti bilan bo‘lishdi.
Limon va rayhonli choy
Kerakli mahsulotlar:
- yarim bo‘lak limon;
- rayhon barglari;
- ko‘k choy — 2 paket;
- qaynagan suv — 3 stakan;
- asal.
- Limon, rayhon, ko‘k choy va asal idishga solib, ustidan qaynoq suv quyiladi.
- Choy 15 daqiqaga qoldiriladi va ichidan choy paketi olinadi.
- Ichimlik to‘liq sovishi uchun 3-4 soatga muzlatkichga qo‘yiladi.
Kokos va laymli choy
Kerakli mahsulotlar:
- qora choy — 2 paket;
- yarim bo‘lak laym;
- kokos suvi — 3 stakan;
- asal.
- Laym, choy va asal bir idishga solinadi.
- Mahsulotlar ustiga qaynatilgan kokos suvi quyiladi va 15 daqiqaga qoldiriladi.
- Keyin choy paketlari olinib, ichimlik muzlatkichga 3-4 soatga qo‘yiladi.
Shaftoli va zanjabilli choy
Kerakli mahsulotlar:
- shaftoli — 1 dona;
- ko‘k choy — 2 paket;
- zanjabil — 4 bo‘lak;
- qaynagan suv — 3 stakan;
- asal.
- To‘g‘ralgan shaftoli, asal, zanjabil va choy bir litrli idishga solinadi.
- Ustidan qaynagan suv quyiladi. Keyin choy paketlari va zanjabil bo‘laklari olib tashlanadi.
- Ichimlik yana 3-4 soatga muzlatkichga qo‘yiladi.
Maymunjon va yalpizli choy
Kerakli mahsulotlar:
- maymunjon — yarim stakan;
- yalpiz barglari;
- ko‘k choy — 2 paket;
- qaynagan suv — 3 stakan;
- asal.
- Maymunjon, yalpiz, asal va ko‘k choy idishga solinadi.
- Ustidan qaynagan suv quyiladi va 15 daqiqaga qoldiriladi.
- Ichidan ko‘k choy olinib, 3-4 soatga muzlatkichga qo‘yiladi.
Izoh (0)