Ичига қийма ва пишлоқ солиб пишириладиган помидорли таом рецепти

Товуқ гўшти, пишлоқ ва сабзавотлар қўшиб пишириладиган таом жуда мазали бўлиб, помидор унга янада ажойиб таъм қўшади. Lifehacker нашри тақдим этган ушбу рецептни, албатта, тайёрлаб кўришингизни тавсия қиламиз.

Керакли маҳсулотлар:

• пиёз — 1 дона;
• саримсоқ — 2-3 бўлак;
• пишлоқ — 80 грамм;
• помидор — 6 дона;
• ўсимлик ёғи — 2 ош қошиқ;
• товуқ гўшти қиймаси — 200 грамм;
• кўкат, туз ва зираворлар.

1. Пиёз, саримсоқ, кўкат ва пишлоқ майда тўғралади.
2. Помидорнинг юқори қисми эҳтиёткорлик билан кесиб олинади.
3. Ичи чой қошиқ ёрдамида ўйиб олинади.
4. Ёғ ўртача оловда қиздирилади. Пиёз юмшагунга қадар қовурилади.
5. Устидан саримсоқ қўшиб, яна 30 сония пиширилади.
6. Сўнгра товуқ қиймаси, тўғралган помидор қўшилади. 5-6 дақиқа давомида қовурилади.
7. Туз ва зираворлар қўшилади ва совитишга қўйилади.
8. Тайёр бўлган начинка билан помидорлар ичи тўлдирилади. Устидан қирғичдан ўтказилган пишлоқ сепилади.
9. Тахминан 20-25 дақиқа давомида 180 даража қиздирилган печда пиширилади.