«Новий очаг» нашри иссиқ кунларда ичишни тавсия этадиган уч хил қаҳвали салқин ичимликлар рецепти билан бўлишди.
Ялпиз ва шоколадли қаҳва
Керакли маҳсулотлар:
- янги пиширилган табиий қаҳва — 300-350 мл;
- аччиқ шоколад — 30-50 грамм;
- ялпиз сиропи — 2-4 ош қошиқ;
- қаймоқли музқаймоқ — 100 грамм.
Қаҳва қайнатиб олинади, шоколадни эритилади. Аралашмани озгина совитишга қўйилади ва унга музқаймоқ (50 г), ялпиз сиропи, бир неча муз кублари қўшилади. Сўнгра ҳаммаси блендерда аралаштирилади. Идишларга қуйилади ва майдаланган муз сепиб, қолган музқаймоқ қўшилади. Дастурхонга тортишдан аввал коктейлнинг юқори қисмини ялпиз барги, майдаланган шоколад, долчин билан безаш мумкин.
Ҳолвали қаҳва ичимлик-десерти
Керакли маҳсулотлар:
- ерёнғоқ ҳолваси — 100 грамм;
- қаймоқ — 100 мл;
- янги пиширилган қаҳва — 200-250 мл
- чинор сиропи (ёки ёнғоқ) — 20 мл
Аввал қаҳва тайёраб олинади. Сироп қўшилиб, озгина совитиб олинади. Блендерда ҳолвани қаймоқ билан аралаштириб, қаҳва қўшилади ва яна аралаштирилади.
Қаҳвали смузи
Керакли маҳсулотлар:
- янги пиширилган ва совитилган қаҳва — 250 мл;
- банан — 1 дона.
- ёғсиз оддий йогурт — 250 мл
- долчин — 1/4 чой қошиқ;
- какао кукуни — 1/2 ош қошиқ;
- қулупнай ёки бошқа резаворлар — 1 ҳовуч.
Смузилар осон тайёрланадиган ичимликлардир. Бу қаҳвали смузи ҳам бундан мустасно эмас. Маҳсулотлар билан қилиш керак бўлган ягона нарса уларни пюре бўлгунча аралаштиришдир. Қаҳвани эрталаб совишини кутмаслик учун уни кечқурун тайёрлаш мумкин. Бананларни олдинроқ музлатиш керак.
Изоҳ (0)