Афғонистонда содир бўлган зилзила кучи Ўзбекистоннинг қатор вилоятларида сезилди

Афғонистонад 22 июнь куни Тошкент вақти билан 01:55 да зилзила содир бўлди. Бу ҳақда ФВВ Сейсмопрогностик мониторинг республика маркази хабар қилди.

Зилзила координаталари: 35,11 градус шимолий кенглик; 68,99 градус шарқий узунлик. Магнитудаси 6,1 балл. Чуқурлик — 15 километр. Зилзила эпицентри Тошкентдан 685 километр жануби-ғарбда жойлашган.

Ўзбекистон ҳудудида сезилиш кучи қуйидагича:

• Сурхондарё вилоятида 3 балл;
• Қашқадарё вилоятида 2 балл;
• Самарқанд вилоятида 2 балл;
• Жиззах вилоятида 2 балл.