Ижтимоий тармоқларда Сирдарё вилоятининг Боёвут туманида ташкилот ходими онлайн қимор сабаб ўзини осиб қўйгани тўғрисида хабарлар тарқалди. Сирдарё вилояти прокуратураси ҳолат юзасидан расмий маълумот берди.
Аниқланишича, Боёвут тумани қишлоқ хўжалиги бўлими етакчи мутахассиси вазифасида ишлаб келган Т.Б. 13 июнь куни ўзи ишлаб келган туман қишлоқ хўжалиги бўлими маъмурий биносининг иккинчи қаватидаги бўш хонасида, иши билан боғлиқ бўлмаган ва ҳозирда аниқлик киритилаётган шахсий муаммолари сабабли хона эшигининг тўсинига сиртмоқ билан бўйин қисмидан осиб, ўз жонига қасд қилган.
Ҳодиса жойи Боёвут тумани прокурори, туман ИИБ бошлиғи, туман ИИБ тезкор-тергов гуруҳи аъзолари ва туман прокуратураси терговчиси томонидан кўздан кечирилиб, баённома расмийлаштирилган.
Ҳолат юзасидан туман прокуратураси томонидан терговга қадар текширув ҳаракатлари олиб борилмоқда.
Бундан олдин Андижонда 38 ёшли ҳоким ёрдамчиси яшаш уйидаги молхона болорига осилган ҳолда топилгани, Андижонда 2022 йилнинг дастлабки уч ойида 10 нафар мактаб ўқувчиси ўз жонига қасд қилгани тўғрисида хабар берилганди.
Мавзуга доир:
- Қашқадарёда 27 ёшли эркак уйининг молхонасида ўзини осиб қўйди
- «Муаммонинг ечими шу деб ўйлаб, иродасизлик қилган». Ғузор ҳокими ўзини осиб ўлдирган фуқаро ҳақида
- «Ўша куни уйидан чиқиб кетаётганда хотинига қарзи кўплигини, пул берганлар сўраб, тинчлик бермаётганини айтган». Ғузорда ўзини осган 37 ёшли фуқаро ҳақида
Изоҳ (0)