Янгиер—Истаравшан (Тожикистон, эски номи Ўратепа)—Янгиер халқаро йўналишида синов тариқасида микроавтобуслар қатнови йўлга қўйилди. Бу ҳақда Транспорт вазирлиги ахборот хизмати хабар берди.
Мазкур йўналишдаги қатновлар Гулистон шаҳрида рўйхатдан ўтган «Тимур Авто Транс Сервис» ҳамда Тожикистоннинг «Довуд» МЧЖлари томонидан амалга оширилмоқда. Қатновлар ҳар икки тарафдан кунига бир маротабадан бажарилади.
Микроавтобуслар «Янгиер» автостанциясидан соат 07:00 да, Истаравшан шаҳри марказидан эса соат 07:30 да йўналишга чиқади. Ушбу йўналиш қатнов масофаси 69 километр бўлиб, йўлкира нархи 27 минг сўм этиб белгиланган.
«Йўловчилар оқимидан келиб чиққан ҳолда ташувчилар томонидан қатновлар сонини ҳар икки томондан кунига тўрттагача етказиш кўзда тутилган», — дейилади хабарда.
Аввалроқ Тошкент шаҳридан қўшни давлатлардаги бир қанча вилоятларга халқаро рейс 11 апрелдан тажриба сифатида йўлга қўйилганди. Хусусан, «Тошкент» автовокзалидан Тошкент—Қизил Ўрда йўналишига соат 17:00 дан, Тошкент—Олмаота йўналишига соат 18:00 дан тажриба сифатида рейслар очилган.
Изоҳ (0)