Расман: Венсан Компани Англия клуби бош мураббийига айланди

Венсан Компани «Бёрнли» мураббийига айланди.

36 ёшли мутахассис «Андерлехт»дан кетди ва «Бёрнли» бошқарувига ўтди. Жамоа 2021/22 йилги мавсум якунларига кўра АПЛни тарк этди.

Компани 2019 йилдан буён буён «Андерлехт»да фаолият юритаётган эди. Дастлаб у ўйновчи мураббий сифатида, 2020 йил августдан бошлаб бош мураббий сифатида ишлаган. Ўтган мавсумда клуб Венсан бошқарувида Бельгия чемпионатида 3-ўринни эгаллади, шунингдек, мамлакат Кубогида финалга қадар етиб борди.

‘Бёрнли’ — улкан тарихга эга инглиз клуби. Жамоани бошқариш шарафдир. Бу чақирув мени илҳомлантиради.

Футболчилар билан ишлашни интиқлик билан кутяпман. Мен ғалаба қозонадиган ва мухлисларимизга ижобий ҳис-туйғуларни бахш этадиган жамоа тузмоқчиман.

‘Бёрнли’ раҳбариятининг клуб истиқболи билан боғлиқ қарашлари мени ҳайратда қолдирди. Қарашларимиз бир-бирига мос келади. Ушбу муҳим мавсумни бошлашни кутяпман.

Венсан Компани, «Бёрнли» бош мураббийи

Шу вақтга қадар «Бёрнли»ни Шон Дайч бошқариб келаётганди. Англиялик мутахассис жамоани 2012 йилдан 2022 йилга қадар бошқарган.