«Бавария» Садио Мане учун «Ливерпуль»га қанча таклиф қилмоқчи экани маълум бўлди

«Бавария» «Ливерпуль» билан Садио Мане трансфери бўйича келишувга эришишга ҳаракат қилмоқда.

Bild’нинг ёзишича, мюнхенликлар 35+5 миллион евро кўринишидаги учинчи таклифни тайёрламоқда.

Июнь ойи бошида «Ливерпуль» Садиони 21+4 миллион еврога сотишга рози бўлмаганди. Шундан сўнг мюнхенликлар кетма-кет учта «Олтин тўп» ва Чемпионлар Лигасидаги учта ғалаба учун бонусларни ҳисобга олган ҳолда 35 миллион евролик таклиф юборган. Аммо у ҳам рад этилган.

Маълум бўлишича, инглиз клуби вингер учун 50 миллион евро олмоқчи бўлган, бироқ кейинчалик бу талаб 45 миллион еврогача қисқарган.

Аввалроқ Садио Мане ёзда «Ливерпуль»ни тарк этиши маълум қилинганди. Мерсисайд клуби сенегаллик футболчи ўрнига «Челси»дан Кристиан Пулишични олиб келмоқчилиги хабар қилинган.

30 ёшли футболчи 2021/22 йилги мавсум «Ливерпуль» сафида барча мусобақаларда 50 та ўйинда майдонга тушиб, 23 та гол ва 2 та голли узатмага муаллифлик қилган.