Донбассда янги окоплар қазилмоқда, Харьковда ёнғинлар ўчирилмоқда. Урушнинг 105-кунидан фоторепортаж
Урушнинг бир юз бешинчи кунида Донецк халқ республикасининг ҳукумати тарқатилди ва янги ҳукумат таркибидан россиялик амалдорлар жой олди. Европарламент Украинага Европа Иттифоқи аъзолигига номзод мақомини беришни тавсия қилувчи резолюцияни чиқарди. Украина Қуролли кучлари Херсон вилоятида муваффақиятли қарши ҳужумни амалга оширмоқда, Украина ОАВлари хабарига кўра, улар Херсон яқинидаги Благодатное қишлоғини назоратига олган. Meduza 8 июннинг асосий суратларини тўплади.
Николаев
Николаев вилояти маъмуриятининг вайрон бўлган биноси. У март ойи охирида ўққа тутилган эди, ўшанда 37 киши ҳужум қурбони бўлган. Шаҳарни ўққа тутиш бугунги кунгача давом этмоқда — Украина жанубидаги, босиб олинган Херсондан унчалик узоқ бўлмаган Николаев шаҳрида уруш бошлангандан бери жами 108 киши ҳалок бўлди.Фото: Reuters
Маъмурият матбуот котиби Дмитрий Плетенчук вайрон бўлган бинода.Фото: Reuters
Харьков
Россия ҳужумидан вайрон бўлган супермаркет ходимлари бинодан товарларни олиб чиқмоқда. 8 июнь куни Харьков Россия кучлари томонидан яна ўққа тутилди, деб хабар берди ОАВ. Кафе, мактаб кутубхонаси ва озиқ-овқат дўкони зарар кўрган. Икки киши ҳалок бўлган.Фото: Reuters
Украина ҳарбийлари ҳозирда рус қўшинлари тўпланган Донецк вилоятидаги фронт чизиғи яқинида окоплар қазимоқда.Фото: AP Photo
Украиналик аскар автомобилда Новолуганскдаги Украина қуролли кучлари позициялари ёнидан ўтмоқда. Май ойининг охирида рус ҳарбийлари ва ДХР кучлари посёлкага ҳужум бошлаган эди.Фото: EPA
Баҳмут шаҳри яқинидаги вайрон бўлган мактаб ҳовлисида сочилиб ётган дарсликлар. Шаҳар Украина қўшинлари учун стратегик аҳамиятга эга, у Донбассдаги Украина Қуролли кучлари гуруҳининг асосий логистика марказидир.Фото: Reuters
Окоп қазиб чарчаган украиналик аскар дам олмоқда.Фото: AP Photo
Украина ҳарбийлари Изюмдаги фронт чизиғига яқин бошпанасида. Изюм кўпригидан Россия армияси ҳужумга ўтади ва Донбассдаги Украина ҳарбийларининг бутун гуруҳини ўраб олади, деб ишонилган эди. Аммо Украина Қуролли Кучлари захираларни кўприкка ташлади ва Россиянинг ҳужуми тўхтатилди.Фото: EPA
Соледар шаҳрида истиқомат қилувчи киши бомба бошпанасида овқат пиширмоқда. Бир неча кун олдин Украина президенти Владимир Зеленский Украина қуролли кучларининг Соледардаги позицияларига ташриф буюрган эди.Фото: Reuters
Изоҳ (0)