Самарқандда йўлдан ўтаётган 4 ёшли қизча Nexia-3 уриб юборишидан вафот этди

Самарқанд вилоятининг Оқдарё туманида 4 ёшли қизни Nexia-3 уриб кетишидан вафот этди.

Вилоят ИИБ ахборот хизмати хабарига кўра, воқеа 31 май куни содир бўлган. 15 ёшли қиз 4 ёшли синглиси билан «Кумушкент» маҳалласи ҳудудидаги пиёдалар ўтиш жойидан йўлни кесиб ўтаётган бўлган. Nexia-3 пиёдаларга йўл бермасдан ҳаракатни давом эттирган. Опаси синглисининг қўлидан ушлаб қолишга улгурмаган. Қизча югурганича ўтиб кетаман деб ўйлаган, бироқ катта тезликда келаётган машина қизчани уриб кетган.

У оғир тан жароҳатлари билан туман тиббиёт бирлашмасига ётқизилган ва шу ерда вафот этган. Ҳайдовчи қизларни шу ерда қолдириб, ўзи кетиб қолган.

Самарқанд вилояти ИИБ ЙҲХБ ходимларининг тезкор қидирув-суриштирув ишлари натижасида ушбу ЙТҲни содир этган этган ҳайдовчи топилган. Ҳозирда у билан тергов ҳаракатлари олиб борилмоқда.

«Ўзимни умуман йўқотиб қўйдим. Қўрққанимдан машинага ўтирдим-да, ҳайдаб кетдим», — дейди 27 ёшли ҳайдовчи.

Бундан аввал Самарқандда отасига тегишли Lacetti’ни бошқарган 8-синф ўқувчиси икки кишини уриб юборгани, улардан бири вафот этгани ҳақида хабар берилган эди.