«Ўзбекистон» телеканалида 30 май куни «Муносабат» ток-шоусининг йўл-транспорт ҳодисаларининг олдини олиш мавзусидаги сони эфирга узатилди. Унда «Ўзбекистон Либерал-демократик партияси» ижроия қўмитаси бўлим мудири Бахтиёр Руҳиддинов йўл-патруль хизмати ходимларининг фаолиятини баҳолаш ва рағбатлантириш тўғрисида бир қанча таклифлар берди.
Унинг қайд этишича, йўл ҳаракати хавфсизлигини таъминлашда ЙПХ ходимларининг аҳамияти жуда катта. ЎзЛиДеП ишчи гуруҳи Тошкент вилояти Бўка туманида ҳайдовчиларнинг ЙПХ ходимларидан розилик даражаси тўғрисида таҳлил ўтказган. Фуқаролар ходимлар ҳақида илиқ фикрлар билдирган.
«Ҳар бир ҳудудда ЙПХ ходимининг ҳайдовчилар маданиятини юқорилигини таъминлаганини белгилайдиган индикаторлар тузиб, уларни рағбатлантириш тизимини йўлга қўйиш керак.
Ходимлар машаққатли меҳнат қилганидан кейин ҳар йили чет элга бориб, саёҳат қилиб келиши керак. Бу қизиқ, кулгили туйилиши мумкин, лекин ЙПХ ходимлари кечаси-ю кундузи, ёмғир-қорга, иссиққа қарамасдан ишлаяпти. Шу сабабли уларни рағбатлантириш масаласини илгари суришимиз керак. Уларнинг маданий ҳордиқ чиқаришига кўпроқ имтиёз беришни таклиф қиламан», — дейди у.
Изоҳ (0)