Ўзбекистон халқ артисти Юлдуз Усмонова 27—31 май кунлари «Халқлар дўстлиги» санъат саройида «80—90 йиллар хитлари» номли концерт дастурини тақдим этди. «Дарё» мухбирлари концертга ташриф буюриб, фото ва видео репортаж тайёрлади.
— «Nostalgy» концерт дастурини ўтказайлик деганимда Юлдуз опангиз «йўқ» деганди. Чунки Ўзбекистонда концертда фақат янги қўшиқлар бўлиши керак, деган тушунча бор. Хорижда, хусусан, Туркияда бундай эмас. Янги қўшиқни ҳамма томошабин ҳам бир зумда тушуниб, уни ҳис қилолмайди. Аввалги концерт арафасида кассада мухлислар фикрини ўрганганман. Кўпчилик мухлислар эски қўшиқлар ҳам рэпертуарга киритилишини сўраганди. Шу боис, 5 кунлик «Nostalgy» концерт дастурини ўтказишга қарор қилдик, — дейди концерт режиссёри ва хонанданинг турмуш ўртоғи Мансур Агалиев.
Аслида концерт дастури рэпертуарига 45 та қўшиқ киритилганди, унда кейин улар 33 тага қисқарди. Концертнинг илк куни эса 24 та қўшиқ ижро этилди.
— Юлдуз Усмонованинг эски «хит» қўшиқлари жуда кўп. Шу боис рэпертуарни тузишни бироз қийналдик. Фақатгина дардли қўшиқлардан бироз йироқлашиб, кайфият улашувчи қўшиқларни қолдиришга қарор қилдик, — дейди концерт муҳаррири Лола Собирова.
Концерт балетместери Зарина Аҳмедова бўлди. Унинг жамоасидаги 20 та раққоса ва 12 та раққослар ажойиб рақсларга тушди.
Дизайнер Дилдора Қосимова концерт либосларини яратишда ретро ва янгича услублардан моҳирлик билан фойдаланган.
Саҳна безакларини яратишда алвон рангларга алоҳида урғу берилди. Чунки илгари концерт томоша саҳналарини безатишда асосан шу рангдан фойдаланилган. У эътиборни тортувчи ранг ҳисобланган.
«Nostalgy» концертида 160 кишидан иборат оркестр гуруҳи иштирок этди.
«Болалигим, сени соғиндим» қўшиғини бутан зал жўр бўлиб куйлади.
Хонанданинг «Санамгина», «Учир-учир», «Қизил олма» каби ретро қўшиқларига бутун зал рақсга тушди.
Концерт бошловчиси қизиқчи Шукурулло Исроилов ўзгача имиджда саҳнага чиқди.
Беш кунлик концерт бир хил қўшиқлардан иборат бўлмади. Концертнинг сўнгги кунида мухлислар талабига кўра замонавий қўшиқлар ҳам ижро этилди. Масалан, Малик билан куйланган «Ёр биё» дуети ва «Муҳаббатжон» дуетини ҳам ижро этди.
Бир сўз билан айтганда концерт шўх ретро қўшиқларга бой бўлди. Унда нафақат рақс жамоаси балки хонанданинг ўзи ҳам мириқиб рақсга тушди.
Наргиза Муродова ва Севара Мирзараҳимова тайёрладиТасвирчи: Илҳом Хурсаналиев
Мавзуга доир:
- «Одамни бунчалик истеъмол қилиб юбориш керак эмас-да». Юлдуз Усмонованинг эри аввалги концертдаги «парда воқеаси» унга қандай таъсир қилгани ҳақида (видео)
- «Унинг феъли кимгадир ёқади, кимгадир йўқ». Юлдуз Усмонованинг опаси синглисининг болалиги, феъл-атвори ҳамда ёшлигидан қаттиқ ишлагани ҳақида (видео)
- 20 килоли ош, 100 кишилик оркестр, ретро тароналар: Юлдуз Усмонованинг янги концерти репетициясидан репортаж (видео)
- «Онанинг вафоти осмон қулашидек мусибат экан». Юлдуз Усмонова концертида она ҳақидаги янги қўшиқни куйлаётганида йиғлаб юборди (видео)
- Саҳнани қўриқлаётган Ҳалима ва Мансур Агалиевнинг кўз ёшлари. Юлдуз Усмонованинг концертидан репортаж (видео)
- «Юлдуз Усмонова билан бирга юриш — фақат ресторанда бирга ўтириш дегани эмас». Ҳалима Юлдуз Усмонова жамоасидаги ўрни ҳақида (видео)
- Юлдуз Усмонова май ойида ҳам 5 кунлик концерт беради. Унда Обид Асомов ва Руслан Шарипов «жонлантирилиши» кутилмоқда (видео)
Изоҳ (0)