Instagram: Ёшларга танбеҳ берган Муниса Ризаева, қўшиқ куйлашда давом этадиган Дилдора Ниёзова, Марям Тиллаевага турмуш ўртоғининг сюрпризи

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Актриса Феруза Собитова «Парихона» сериалининг съёмка жараёни акс этган суратни саҳифасига жойлади.

Муниса Ризаева «Артист» лойиҳасининг «юлдузлик касали»га чалинган иштирокчиларига танбеҳ берди. Хонанданинг айтишича, ушбу иштирокчилар режиссёрнинг қўнғироқлари ҳамда SMS’ларига жавоб бермай, уларга нисбатан ҳурматсизлик қилган.

Севара Назархон имижини ўзгартириб, узун сочларини каре услубидаг қирқтирди.

Ўзбекистон халқ артисти Бобомурод Ҳамдамовнинг қийинчилик билан ҳаракатланаётгани акс этган видео эълон қилинди.

Ўзбекистонда хизмат кўрсатган артист Раъно Ярашева Instagram’да шахсий саҳифасини очди.

Зуҳра Солиева ошқозон кичрайтириш операциясидан сўнг қанчалик озганини акс эттирувчи видероликни саҳифасига жойлади.

Нилуфар Усмонова онаси ҳамда унинг турмуш ўртоғи Мансур Агалиевнинг суратини саҳифасига жойлади.

Шаҳзода Муҳаммедова қизи Милана билан бирга Мальдив оролларига учиб кетди.

Айни пайтда АҚШда бўлиб турган Лиил Хуррамов кузатувчиларининг «Энди Америкада яшайсизми?» деган саволига жавоб берди.

Франциянинг Канн шаҳридан қайтган Марям Тиллаевага унинг турмуш ўртоғи, блогер Амиран Сардаров Москва аэропортида сюрприз уюштирди. Амиран чопон кийиб, қўлига «Менинг лавашларим» деб ёзилган қоғоз билан, карнай-сурнай садолари остида рафиқасини кутиб олди.

Актриса Баҳора Арслонова онаси ҳамда қайнонаси билан бирга тушган сурати билан бўлишди.

Бир муддат аввал санъатни тарк этганини айтган Дилдора Ниёзова кузатувчилари учун жонли эфир ташкиллаштириб, уларни қизиқтирган саволларга жавоб берди. Хусусан, у қўшиқ куйлашда давом этиши, бироқ хизматларни камайтириши ҳақида гапирди.