IТ парк$/ЭХ$ 25 ёшли Миршод Шариповнинг соҳадаги муваффақиятлари тўғрисидаги ҳикояни тақдим этди. Ҳикоя қаҳрамони Бухоро вилоятининг Бухоро туманида туғилган. Ҳозир у 25 ёшда ва бир нечта муваффақиятли лойиҳаларга эга.
Миршод 2020 йилда дастурлаш курсларига қатнаб, соҳадаги ўз йўлини бошлаган. Бир неча ойдан сўнг, биринчи лойиҳасини ишга туширган.
Ҳозир Миршоднинг жамоаси 12 кишидан иборат. Бугунги кунда улар дастурлаш ва 3D моделлаштириш, робототехника ҳамда схемотехника соҳаларида янги стартаплар устида ишламоқда.
У лойиҳаларда иштирок этишдан ташқари, Бухоро вилоятидаги IT Park филиалида дарс беради. Миршод web-дастурлаш, компьютер графикаси ва робототехника бўйича курсларни олиб боради. Ҳозир ёш устознинг 450 нафар шогирди бор.
Устоз сифатида ишлаш ва ўз лойиҳаларида иштирок этиш самарасини бермоқда: шу кунгача Миршод ойига тахминан 1300 доллар маош олади.
Аввалроқ IT Park резидентлар сони ва экспорт ҳажми кескин ошгани ҳақида хабар берилган эди.
Изоҳ (0)