Нурсултон Рўзибоев профессионал боксдаги иккинчи жангида ҳам ғалаба қозонди
Тошкентдаги 25 май, чоршанба куни профессионал бокс кечаси бўлиб ўтди.
Akhmat Fight Promotion промоутерлик компанияси томонидан ташкил этилган кечанинг марказий баҳсида MMA вакили Нурсултон Рўзибоев проф боксдаги иккинчи жангини ўтказди.
79 кг вазн тоифасида 4 раундга мўлжалланган жангда унга бухоролик Азамат Эргашев рақиблик қилди. Тўлиқ давом этган жангда Нурсултон ҳакамлар қарорига кўра 39-37 ҳисобида ғалаба қозонди.
Шу тариқа Нурсултон Рўзибоев профессионал боксдаги иккинчи жангида ҳам ғолибликни қўлга киритди.
Эслатиб ўтамиз, Рўзибоев профессионал боксдаги дебютида Баҳром Паёзов устидан техник мағлубият эвазига ғалаба қозонганди. Нурсултоннинг MMA’даги статистикаси қуйидагича — 34-9-2.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
