«Рома» Конференциялар Лигаси финалида «Фейеноорд»ни мағлуб этиб (1:0), мусобақанинг илк ғолибига айланди.
Римликлар устози Жозе Моуриньо Чемпионлар Лигаси, Европа Лигаси ва Конференциялар Лигасида ғалаба қозонган тарихдаги илк мураббийга айланди.
Моуриньо «Порту» (2004) ва «Интер» (2010) сафида ЕЧЛда ғалаба қозонган бўлса, Европа Лигаси / УЕФА Кубогини «Порту» (2003) ва «Манчестер Юнайтед» (2017) билан бирга қўлга киритган.
Португалиялик мутахассис фаолиятидаги 26-совринга эга чиқди. Бунга қадар у «Порту»да олтита, «Челси» — 8, «Интер» — 5, «Реал» ва «Манчестер Юнайтед»да учтадан совринга эга чиққанди. Бу Жозе учун сўнгги беш йилдаги илк соврин бўлди. Охирги марта «беназир» 2017 йилда «Манчестер Юнайтед» билан Европа Лигасида зафар қучганди.
Изоҳ (0)