«ПСЖ» ҳужумчиси Килиан Мбаппе Франция чемпионатининг 2021/22 йилги мавсум якунлари бўйича энг яхши тўпурар ва энг яхши ассистент бўлди.
23 ёшли форвард Лига 1 ортда қолган мавсумида 35 та ўйин ўтказиб, уларда 28 та гол ва 17 та голли узатма муаллифига айланди. Мбаппедан учта кам гол урган «Монако» ҳужумчиси Виссам бен-Еддер тўпурарлар рўйхатида иккинчи ўринни эгаллади. Парижликларнинг яна бир ҳужумчиси Лионель Месси 14 та голли узатма эвазига энг яхши ассистентлар рейтингида иккинчи бўлди.
Мбаппе Франция чемпионатида олтинчи бор ҳет-трик қайд этди ва XXI асрда энг кўп ҳет-трик қайд этиш борасида собиқ жамоадоши Эдинсон Каванини (5) ортда қолдириб, иккинчи ўринга кўтарилди. Бу борада Златан Ибраҳимович (7) етакчилик қилмоқда.
Франциялик футболчи 2022 йилда уч марта ҳет-трикка эришди. Уларнинг иккитаси Франция чемпионатида қайд этилган бўлса, яна бири кубок ўйинига тўғри келади.
Аввалроқ Мбаппе ёзда ниҳоясига етадиган амалдаги шартномасини 2025 йилнинг ёзига қадар узайтирганди.
Мавзуга доир: Неймар Роналдунинг XXI асрдаги рекордини такрорлади
Изоҳ (0)