Мексиканинг Мехикали шаҳрида Тошкент вақти билан 22 май тонгида профессионал бокс оқшоми бўлиб ўтди. Унда икки нафар ўзбекистонлик боксчи навбатдаги жангида иштирок этди.
Биринчи ўта енгил вазн (48,9 кг) тоифаси вакили Ҳасанбой Дўстматов (5-0, 5 КО) мексикалик Мойзес Каро Гутеррес (10-1-2, 1 КО) билан жанг қилди. 3-раундга келиб Ҳасанбой кетма-кет зарбалар йўллаган ҳолда рақибини нокаутга учратди.
Супер ярим ўрта вазн (69,8 кг) тоифасида ҳаракат қилувчи Иқболжон Холдоров (3-0, 2 КО) маҳаллий боксчи Рамон Барахасга (14-28, 4 КО) қарши жанг олиб борди. Тўлиқ 6 раунд давом этган жангда Холдоров очколар эвазига ғалабани қўлга киритди.
Изоҳ (0)