Бугун,

  • USD 11014.01
  • RUB 191.8
  • EUR 10674.78

Турк оммавий ахборот воситаларининг ёзишича, «Чолиқуши» телесериалининг юлдузи — Фаҳрие Эвжен ижро этиши керак бўлган Хуррам Султон ролига Марям Узерли тасдиқланган. Маълум бўлишича, «Муҳташам юз йил» сериалида Малкочўғли Бали Бей образини гавдалантирган Бурак Ўзчивитнинг рафиқаси Султон Сулаймоннинг севимли канизагини ўйнаши керак эди. Миш-мишларга кўра, продюсерлар Фаҳрие Эвжен билан шартнома имзолашга тайёр бўлган, аммо сўнгги дақиқада улар немис-турк актрисасининг намуналарини кўриб, фикрларини ўзгартирган, деб ёзади «Teleprogramma.pro».

Фото: Pinterest

Фото: Pinterest

Марям Узерли турк тилини яхши билмаслигига, сўзларни чалкаштириб юборишига ва ҳар бир мураккаб иборани узоқ вақт ўрганишига қарамай, айнан у Хуррам Султон ролига танланган. Актрисанинг ўзи интервьюларнинг бирида шуни маълум қилдики, унинг карьераси Туркияда қурилмаган. Шунинг учун барчаси Марямнинг бошқалардан фарқли, мутлақо туркий бўлмаган кўриниши билан боғлиқ. Аммо «Муҳташам юз йил» телесериали учун Марям айни муддао эди. Сабаби продюсерлар славян қиз Роксоланага ўхшаши керак бўлган қизил сочли актрисани узоқ вақт излаган.

Энг қизиғи, Марям Узерли кастингга келиб, «Муҳташам юз йил» телесериали қандай лойиҳа эканини ҳам билмай туриб, бош роллардан бирига эга бўлган.

Менинг бир дугонам бор, у билан «Гамбург» театрида бирга ишлаганмиз. У сериал муаллифларига мен ҳақимда гапириб берган. Мендан кастингга келишни хоҳлайсизми, деб сўрашди. Бу қандай лойиҳа эканлигини яхши тушунмасам-да, келдим.

Мен ҳеч нарсага умид қилмаганман, чунки Туркияда қанча ишлашга ҳаракат қилсам ҳам, улар менга шундай дер эди: «Сенинг исминг туркча, лекин туркларга ўхшамайсан. Қолаверса, турк тилини ҳам билмайсан».

Мен яна таваккал қилишга қарор қилдим. Улар менга: «Балки, бу ерда бир неча йил қолишинг керакдир», — дейишди. Очиғини айтсам, ўшанда бу ердан қандай қочиб қутула оламан, деб ўйлагандим.

Марям Узерли, актриса

Изоҳ
Асосий янгиликлар