Бугун,

  • USD 11095.31
  • RUB 173.84
  • EUR 10772.44

Ўзбекистон Республикаси Президенти Шавкат Мирзиёев томонидан нефть-газ саноатидаги ишлар натижадорлигини таъминлаш, нефть маҳсулотларини диверсификация қилиш, истеъмолчиларни сифатли нефть маҳсулотларига бўлган эҳтиёжини қондириш борасида берган топшириқлари ижроси юзасидан «Ўзбекнефтгаз» АЖ бошқарув раиси Меҳриддин Абдуллаев бошчилигида бир қатор ишлар амалга оширилмоқда.

Жумладан, «Ўзбекнефтгаз» АЖ томонидан Бухоро нефтни қайта ишлаш заводини босқичма-босқич модернизация қилиш, юқори сифатли экологик тоза бўлган дизель ёнилғиси ишлаб чиқариш ишлари йўлга қўйилди ҳамда қисқа даврда ижобий натижаларга эришилди.

Завод мутахассислари томонидан газойлни гидротозалаш қурилмасидаги реакторнинг иш тартиби учун энг яхши технологик вариантларни танлаш йўли орқали жараённи оптималлаштириш бўйича ишлар бажарилди. Бу эса ўз навбатида, юқори экологик тоифадаги дизель ёқилғиси ишлаб чиқаришни ўзлаштириш имконини берди.

Шу тарзда Ўзбекистон тарихида илк бор Бухоро нефтни қайта ишлаш заводи томонидан «Евро-6» русумидаги экологик тоза дизель ёнилғисини ишлаб чиқариш йўлга қўйилди.

Ўз навбатида, ЎзДСт 989:2010 «Евро дизель ёқилғиси. Техник шартлар» талабларига жавоб берувчи ДТ-ЕВРО-Л-III-К5 (ЕВРО-6) маркали дизель ёқилғисини серияли ишлаб чиқариш учун Ts 16472899-044:2021 ташкилотининг мувофиқлик сертификати олинди.

Бухоро нефтни қайта ишлаш заводида «Евро-6» русумидаги экологик тоза дизель ёнилғисини ишлаб чиқариш муваффақиятли давом эттирилиб, 1150 тонна мазкур русумдаги дизель ишлаб чиқарилишга эришилди ҳамда биржа савдолари орқали республика истеъмолчиларига таклиф этилди.

Эслатиб ўтамиз, «Евро-6» русумидаги дизель ёнилғиси ички ёнув двигателларини атроф муҳитга зарарини камайтиришга қаратилган бўлиб, таркибида политиклик ароматик углеводородлар масса миқдори эса 4,0 фоиздан кўп бўлмагани ҳолда, олтингугурт масса миқдори 5 мг/кг (ппм)ни ташкил этади.

«Ўзбекнефтгаз» АЖ матбуот хизмати

Изоҳ
Асосий янгиликлар
Спорт
Tata Steel Чесс 2023. Нодирбек Абдусатторов америкалик рақиби билан дуранг ўйнади ва ҳамон мусобақа пешқадами бўлиб турибди. Жавоҳир Синдоровда ҳам дуранг
Маҳаллий
Сурхондарёдан топилган айиқ боласи зоопаркка топширилди
Маҳаллий
Ўзбек тили дарслигида мусиқа асбоблари номи хато ёзилгани айтилди (видео)