Ўзбекистон кўчмас мулк бозорида фаоллик сезиларли даражада ошганини кўрсатди. Бу ҳақда Иқтисодий тадқиқотлар ва ислоҳотлар маркази матбуот хизмати «Дарё»га маълум қилди.
Экспертлар Жиззах (4,6 фоиз) ва Навоий (5,1 фоиз) вилоятларида юридик шахслар томонидан сотиб олинган кўчмас мулклар сони улушининг нисбатан юқорилиги мазкур ҳудудларда тадбиркорлик фаолияти учун кўчмас мулк объектлари муҳим эканлигидан далолат беришини таъкидлади.
2022 йил апрель ойида Ўзбекистонда кўчмас мулк олди-сотди шартномалари сони 23,4 мингтани ташкил этди. Бу жорий йилнинг март ойига нисбатан (20,3 минг) 15,1 фоизга кўп. Ўтган йилнинг мос даврига (20,8 минг) нисбатан ўсиш 12,6 фоизни ташкил этди.
Кўчмас мулк олди-сотдиси бўйича расмийлаштирилган шартномалар сони ўзгариши " data-action="zoom" class="border lazyload" />
Ҳудудлар кесимида энг юқори йиллик ўсиш суръатлари Хоразм (39 фоиз), Сурхондарё (32 фоиз), Наманган (29 фоиз), Жиззах (27 фоиз), Самарқанд (25 фоиз) вилоятларида қайд этилди.
Сирдарё (2,6 фоиз) ва Тошкент (2,2 фоиз) вилоятлари ҳамда Тошкент шаҳрида (3,8 фоиз) нисбатан пастроқ ўсиш суръатлари кузатилди.
Жисмоний ва юридик шахслар томонидан кўчмас мулк олди-сотдиси
Ҳудудлар бўйича жисмоний шахслар томонидан кўчмас мулк олди-сотдиси бўйича энг кўп шартномалар Тошкент шаҳри (6,9 минг), Тошкент (2,5 минг) ва Фарғона (2,1 минг) вилоятларида кузатилди.
Юридик шахслар аксарият кўчмас мулкни Тошкент (79), Навоий (60) ва Жиззах (27) вилоятларида сотиб олишган.
Иккиламчи уй-жой бозорида нархлар ўзгариши
Таҳлил натижаларига кўра, апрель ойида иккиламчи бозорда ўртача уй-жой нархлари март ойига нисбатан 2,1 фоизга ўсди (мартда 1,9 фоиз камайиш).
Нархларда энг юқори ўсиш суръатлари Жиззах (6,5 фоиз), Андижон (5,3 фоиз), Тошкент (5,1 фоиз) ва Сирдарё (5 фоиз) вилоятларида кузатилган бўлса, Сурхондарё (-1,7 фоиз), Наманган (-1,4 фоиз) ва Хоразм (-1,2 фоиз) вилоятларида нархлар пасайган.
Тошкент шаҳрида ўтган ойга нисбатан иккиламчи бозорда ўртача уй-жой нархлари 1,3 фоизга ўсди. Уй-жой нархларининг ўсиши барча туманларда қайд этилган бўлиб, энг юқори ўсиш Бектемир (3,5 фоиз), Миробод (2,6 фоиз) ва Юнусободда (2,4 фоиз) кузатилган.
Ҳисоб-китобларга кўра, Тошкент шаҳри бўйича апрель ойида ўртача ижара нархи 8,6 долларни (1 кв метр учун) ташкил этиб, ўтган ойга нисбатан 0,4 фоизга ўсган (мартда 9,1 фоиз ўсиш).
Туманлар кесимида юқори ижара нархлари Шайхонтоҳур (11,7 доллар), Миробод (10,8 доллар) ва Яккасаройда (10,6 доллар) қайд этилган бўлса, нисбатан пастроқ ижара нархлари Сергели (5,6 доллар), Бектемир (6,2 доллар) ва Учтепа (6,7 доллар) кузатилди
Изоҳ (0)