Бугун,

  • USD 11095.31
  • RUB 173.84
  • EUR 10772.44

Жаҳон соғлиқни сақлаш ташкилоти (ЖССТ) маймунчечак касаллиги авж олиши ҳолатини муҳокама қилиш учун экспертлар гуруҳини шошилинч мажлисга чақирди, деб ёзади «РБК».

Фото: Global Look Press

Фото: Global Look Press

The Telegraph маълумотларига кўра, суҳбатнинг асосий мавзулари вирус тарқалиши ва вакцинация билан боғлиқ вазиятга тегишли бўлиши кутилмоқда. Тадбирда ЖССТ соғлиқни сақлаш соҳасидаги фавқулодда вазиятлар дастури ижрочи директори Майк Райан қатнашиши тахмин қилинмоқда.

Маълумот учун, маймунчечак биринчи марта 1958 йилда аниқланган ноёб юқумли касалликдир. У билан касалланиш асосан, Африкада кузатилган: одатда ушбу касалликни 16 ёшгача бўлган ўсмирлар юқтирган. Тадқиқотлар шуни кўрсатдики, маймунчечак кўпроқ чечакка ўхшайди. Касалликнинг ўлим даражаси тахминан 10 фоизни ташкил қилади, эҳтимолий асоратлар орасида энсефалит, менингоэнсефалит, пневмония, сепсис мавжуд. Табиий чечакка қарши эмлаш маймунлар орасида кенг тарқалган ушбу вирусга қисман иммунитетни таъминлайди.

Буюк Британия маймунчечак билан касалланиш ҳолати аниқлангани ҳақида биринчи бўлиб маълум қилди — 7 май куни у ерда Нигерияга бориб келган одамда касаллик аниқланган. Сўнгги маълумотларга кўра, мамлакатда бундай ҳолатлар аллақачон 11 тага етган — буни Бирлашган Қироллик соғлиқни сақлаш агентлиги тасдиқлади.

«Аксарият ҳолларда касаллик енгил шаклда кечмоқда ва шуни тасдиқлашим мумкинки, биз маймунчечакка қарши самарали бўлган вакциналарнинг қўшимча дозаларини сотиб олиб қўйганмиз», — дея маълум қилди Британия соғлиқни сақлаш вазири Сажид Давид.

Шунингдек, Германияда маймунчечак юқтириш билан боғлиқ биринчи ҳолат қайд этилди. Германия соғлиқни сақлаш вазири Карл Лаутербах маълум қилишича, мавжуд маълумотларга асосланиб, вирус унча тез тарқалмайди, дейиш мумкин. Агар соғлиқни сақлаш органлари тезкорлик билан ҳаракат қилса, вирус авж олишини тўхтатиб қолиш мумкин, деди у.

ОАВлар Испанияда 30 киши, Португалияда 26 киши ва Италияда уч киши маймунчечакни юқтиргани ҳақида хабар бермоқда. Францияда вирус тарқалган мамлакатларга бормаган бир эркакда касаллик аниқланган, Бельгияда эса иккита ҳолат тасдиқланган. АҚШ, Канада ва Австралия биттадан ҳолат ҳақида маълум қилган.

Изоҳ
Асосий янгиликлар
Дунё
«Туркия янги дунё тартибининг марказида бўлиши керак» — Эрдўғон
Маҳаллий
Андижонда 41 киши жароҳатланган автоҳалокат қурбонлари сони 4 нафарга етди
Маҳаллий
Ўзбекистонда помидор нархи барқарорлашди