S&P рейтинг агентлиги Россиянинг Украинадаги ҳарбий амалиётининг иқтисодий оқибатлари туфайли дунёнинг бир қатор йирик мамлакатлари учун ялпи ички маҳсулотнинг кейинги икки йилга ўсиши прогнозини пасайтирди. Бу ҳақда ‘‘Коммерсант’’ хабар бермоқда.
Агентлик маълумотларига кўра, иқтисодиёт 2023 йилда фақат Осиё-Тинч океани минтақасида, жумладан, Хитойда ҳам ўсишни бошлайди.
«Март ойи охиридаги сўнгги прогнозимиздан буён бир қатор макроиқтисодий кўрсаткичлар ёмонлашди. Кўплаб мамлакатларда биринчи чоракдаги кўрсаткичларнинг заифлашиши, энергия ва хом ашё нархларининг ошиши кузатилди. Россия—Украина можаросининг кутилганидан узоқроқ давом этиши, пул-кредит сиёсатини тезроқ нормаллаштириш ва Хитой ўсишининг секинлашиши ҳам бунга сабаб бўлди», — дейилади компания хабарида.2022 йилда АҚШ иқтисодиётининг ўсиши 3,2 фоиздан 2,4 фоизга, 2023 йилда 2,1 фоиздан 2 фоизгача пасаяди.
Европа ялпи ички маҳсулотининг ўсиши 2022 йилда 2,7 фоиз ва 2023 йилда 2,2 фоизгача қисқаради.
Аввалги прогнозлар мос равишда 3,3 фоиз ва 2,6 фоиз. Буюк Британия иқтисодиёти 2022 йилда 3,3 фоиз ва 2023 йилда 1,2 фоизга ўсиши кутилмоқда.
Хитой ялпи ички маҳсулоти 2022 йилда аввалги 4,9 фоизга нисбатан 4,2 фоизга ўсади. Бироқ 2023 йилда бу кўрсаткич агентлик олдиндан кутганидек 5 фоизга эмас, 5,3 фоизга ўсади.
Умуман олганда, бутун Осиё-Тинч океани минтақасида ЯИМ ўсиши 2022 йилда 5,1 фоиздан 4,6 фоизгача пасаяди. Лекин 2023 йилда бу кўрсаткич 4,7 фоиздан 5 фоизгача кўтарилади.
Аввалроқ Ўзбекистоннинг йил бошидан бери иқтисодий ҳолати маълум бўлган эди.
Изоҳ (0)