S&P reyting agentligi Rossiyaning Ukrainadagi harbiy amaliyotining iqtisodiy oqibatlari tufayli dunyoning bir qator yirik mamlakatlari uchun yalpi ichki mahsulotning keyingi ikki yilga o‘sishi prognozini pasaytirdi. Bu haqda ‘‘Kommersant’’ xabar bermoqda.
Agentlik ma’lumotlariga ko‘ra, iqtisodiyot 2023-yilda faqat Osiyo-Tinch okeani mintaqasida, jumladan, Xitoyda ham o‘sishni boshlaydi.
“Mart oyi oxiridagi so‘nggi prognozimizdan buyon bir qator makroiqtisodiy ko‘rsatkichlar yomonlashdi. Ko‘plab mamlakatlarda birinchi chorakdagi ko‘rsatkichlarning zaiflashishi, energiya va xom ashyo narxlarining oshishi kuzatildi. Rossiya—Ukraina mojarosining kutilganidan uzoqroq davom etishi, pul-kredit siyosatini tezroq normallashtirish va Xitoy o‘sishining sekinlashishi ham bunga sabab bo‘ldi”, — deyiladi kompaniya xabarida.2022-yilda AQSH iqtisodiyotining o‘sishi 3,2 foizdan 2,4 foizga, 2023-yilda 2,1 foizdan 2 foizgacha pasayadi.
Yevropa yalpi ichki mahsulotining o‘sishi 2022-yilda 2,7 foiz va 2023-yilda 2,2 foizgacha qisqaradi.
Avvalgi prognozlar mos ravishda 3,3 foiz va 2,6 foiz. Buyuk Britaniya iqtisodiyoti 2022-yilda 3,3 foiz va 2023-yilda 1,2 foizga o‘sishi kutilmoqda.
Xitoy yalpi ichki mahsuloti 2022-yilda avvalgi 4,9 foizga nisbatan 4,2 foizga o‘sadi. Biroq 2023-yilda bu ko‘rsatkich agentlik oldindan kutganidek 5 foizga emas, 5,3 foizga o‘sadi.
Umuman olganda, butun Osiyo-Tinch okeani mintaqasida YaIM o‘sishi 2022-yilda 5,1 foizdan 4,6 foizgacha pasayadi. Lekin 2023-yilda bu ko‘rsatkich 4,7 foizdan 5 foizgacha ko‘tariladi.
Avvalroq O‘zbekistonning yil boshidan beri iqtisodiy holati ma’lum bo‘lgan edi.
Izoh (0)