Маълумки, сифатли идишлар арзон нархда сотилмайди ва шунинг учун ҳамма иложи борича уларни узоқ вақт хизмат қилишини хоҳлайди. Аммо кўпинча идишларга ўз қўлларимиз билан зарар бераётганимизга шубҳа қилмаймиз. Афсуски, нотўғри фойдаланиш натижасида эса уларга путур етади.
Иссиқ идишни совуқ сувга ботириш
Ҳеч қачон иссиқ идишни совуқ сувга ботирмаслик керак. Чунки кескин ҳарорат фарқи туфайли термал шок пайдо бўлади. Бу идиш қирраларининг деформациясига, идишнинг пастки қисмида ёриқлар пайдо бўлишига олиб келади. Идишнинг ёки тованинг пастки қисми деформацияланган бўлса, у кейинчалик текис турмайди ва бу ноқулайлик туғдиради. Таом тайёрлаш вақтида эса идишнинг ағдарилиб кетиши хавфи бўлиши мумкин. Деформация, шунингдек, тагига олмайдиган идиш қопламасининг кўчишига олиб келади.
Тагига олмайдиган идишларни ҳаддан ташқари қиздириш
Тефлон ёки керамика тагига олмайдиган идишлардан фақат ўрта ва паст ҳароратда фойдаланиш мумкин. Юқори ҳарорат вақт ўтиши билан махсус қопламани йўқ қилади ва бу идишлар соғлиқ учун зарарли бўлган буғларни чиқаришни бошлайди. Полимер гриппининг аломатлари ҳақида эшитганмисиз? У «тефлон» деб ҳам аталади.
Совуқ сувга туз қўшиш
Зангламайдиган пўлатдан ясалган идишнинг тагида ювиб бўлмайдиган оқ нуқталарни кўрганмисиз? Улар туздан пайдо бўлади, баъзан, масалан, макарон пиширишда совуқ сувга туз қўшилади. Туз совуқ сувда яхши эримайди ва шунчаки пастга чўкиб, оқ рангли доғлар қолдиради. Шунинг учун тузни қайнаб турган сувга солиш лозим.
Чўян ва ёғоч идишларни сувга бўктириш
Бу кенг тарқалган идиш ювиш усули қуйма темир, ёғоч тахтакачлар ёки шунга ўхшаш идишларга тўғри келмайди. Ёғоч идишлар шунчаки сувни ўзига шимиб олади ва тезда синиб кетиши мумкин. Чўян идишларни сувда бир неча соатга қолдириш унинг ҳимоя қатламининг йўқ қилинишига олиб келади ва занглай бошлайди.
Мармар ёки шишадан ясалган тахтакачдан фойдаланиш
Шиша, мармар ёки гранитдан ясалган тахтакачлар жуда замонавий ва профессионал кўринади, уларни тозалаш осон, лекин, афсуски, улар пичоқларнинг ўткирлигини йўқотиши мумкин. Агар пичоқлар ўткир бўлса, ёғоч ёки пластмасса тахтакачлардан фойдаланиш яхшироқ.
Алюмин идишларда нордон таом пишириш
Ҳеч қачон нордон шўрвалар ёки соусларни алюмин ёки чўян идишларда пиширмаслик керак. Кислота металл билан реакцияга киришади ва шунчаки таомнинг таъмини бузади. Агар бу каби таомни узоқ вақт пиширишни ёки қайнатишни режалаштирган бўлсангиз, унда керамика, эмал ёки бошқа материалдан ясалган идишларни танлаш тавсия этилади.
Тагига олмайдиган идишларни нотўғри парвариш қилиш
Тагига олмайдиган қопламали идишларни ювишда ҳеч қандай қаттиқ материаллардан фойдаланмаслик керак: металл губкалар ва тозалаш воситалари идишларни қириб юборади.
Идишларни нотўғри сақлаш
Пичоқ ва бошқа ошхона асбоблари доимо биргаликда очиқ ҳолда сақланса, улар осонгина шикастланади ва қирилади. Сақлаш вақтида бундай муаммоларнинг олдини олиш учун уларни қоғоз ёки ошхона сочиқлари билан ўраб қўйиш мумкин. Пичоқларни яхши сақлаш учун деворга ёки махсус қутиларга солиб қўйиш тавсия этилади.
Изоҳ (0)