Россия босқинчиларининг урушда ҳеч қандай имконияти йўқлиги қанчалик аниқ бўлса, урушда гўёки бурилиш нуқтасини таъминлай оладиган даражада кучли «мўъжизавий қурол» ҳақидаги пропаганда гаплар шунчалик кўп бўлди. Бу ҳақда Украина президенти Владимир Зеленский 18 майдаги кечки мурожаатида айтиб ўтди.
«Мана кўриб турибмизки, учинчи ойда Россия ўзининг ‘мўъжизавий қуролиъни топишга уринмоқда. Гўёки бу лазерли бўлади. Буларнинг барчаси босқиннинг бутунлай муваффақиятсизлигини яққол кўрсатади. Аммо бу яна шундан далолат берадики, Россияда давлат ва ҳарбий даражадаги ҳалокатли хатоларга йўл қўйилганини тан олишдан қўрқишмоқда, шунинг учун Украина Қуролли Кучлари ва ҳимоячиларимиз еримизни босқичма-босқич озод қиладиган бир вақтда, улар ‘мўъжизавий қуролларъни ўйлаб топади», — деди президент.
Зеленскийнинг сўзларига кўра, «бу қанча давом этади?» деган саволга жавобни фақатгина жанг майдонидаги асл вазият бериши мумкин.
«Биз имкон қадар тезроқ тугатишга ҳаракат қиляпмиз. Бу аниқ. Босқинчиларни қувиб чиқаришга ва Украинага ҳақиқий хавфсизликни кафолатлашга мажбурмиз», — дея сўзини якунлади президент.
18 май куни Россия бош вазири ўринбосари Юрий Борисов давлат Украинада 5 километр масофадаги нишонларни уришга қодир бўлган «Задира» лазерли қурол тизимларидан фойдаланаётганини айтганди.
Россиянинг Украинага қарши урушда ракеталарни тежаш учун лазер қуролидан фойдаланиш ҳақидаги баёноти рус армияси томонидан Украинага қарата отилган икки мингдан ортиқ ракеталар Россия захираларининг асосий қисмини ташкил қилганидан далолат беради, деб таъкидлаган «ЦН» нашри.
Изоҳ (0)