«Барселона» Сесар Аспиликуэта ва Маркос Алонсога қизиқиш билдирмоқда.
Diario Sport нашрнинг хабарига кўра, каталонияликлар «Челси»нинг икки ҳимоячисини ўз сафига қўшиб олмоқчи. Лондонликлар ҳимоячилар учун товон пули олишни истайди, аммо уларни рокировка қилиш борасида музокараларга ҳам тайёр.
32 ёшли Аспиликуэтанинг «Челси» билан амалдаги шартномаси мавсум охирида ўз ниҳоясига етади, лондонликлар шартномани яна бир мавсумга узайтириш бандини фаоллаштириши мумкин. Сесарнинг ўзи «Барселона»га қўйиб юборишларини сўраётган бўлса ҳам, жамоа ушбу банддан фойдаланиш эҳтимоли бор.
Алонсонинг «Челси» билан шартномаси 2023 йил ёзига қадар мўлжалланган. 31 ёшли ҳимоячи «аристократлар»нинг режаларига кирмаяпти, шунинг учун унинг трансфери масаласи муҳокама қилиниши мумкин.
«Барселона» бошқа позицияларга қимматроқ футболчиларни харид қилиш учун Аспиликуэта ва Алонсога имкон қадар камроқ пул сарфламоқчи. «Челси» каталонияликларнинг таркибини таҳлил қилиб, 21 ёшли ўнг қанот ҳимоячиси Сержиньо Дестга футболчиларни алмаштириш варианти ҳам қизиқ деган хулосага келди. «Барселона» ҳимоячини 20 миллиондан кўпроқ нархга баҳоламоқда. Ундан ташқари лондонликлар дарвозабон Нето номзодини ҳам муҳокама қилишга тайёр.
«Кўк-анорранглилар» музокараларни 30 июнга қадар якунламоқчи, клуб директори Матеу Алемани музокараларни бошлаш учун бир неча кун олдин Лондонга учиб кетган.
«Барселона»дагиларнинг яқин орада Аспиликуэта ва Алонсонинг трансфери бўйича келишув амалга ошишига ишончи комил. Маркос билан 3 йиллик, Сесар билан 2+1 кўринишидаги шартнома имзоланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)