Футбол бўйича Англия Премьер Лигасининг 36-туридан ўрин олган ўйинлар 7 май, шанба куни бўлиб ўтди.
«Челси» Лондонда «Вулверҳэмптон» билан баҳс олиб борди. Учрашувнинг биринчи бўлимида дарвозалар дахлсизлиги сақланиб қолди.
Иккинчи бўлимни «аристократлар» ҳужумкор тарзда бошлади. 56-дақиқада Ромелу Лукаку пенальтидан унумли фойдаланиб, ҳисобни очди. Орадан 2 дақиқа ўтиб, бельгиялик ҳужумчи дублни расмийлаштирди. 79-дақиқада Франциско Тринкао ҳисобни қисқартирди. Ҳакам қўшиб берган дақиқаларда Конор Коадй гол уриб, учрашувда дуранг натижани таъминлади.
Дуранг натижадан сўнг «Челси» очколари сонини 67 тага етказиб, 3-ўринни мустаҳкамлади. «Вулверҳэмптон» эса 50 очко билан 8-поғонада бормоқда.
АПЛ
36-тур баҳслари
7 май, шанба
«Челси» – «Вулверҳэмптон» 2:2
Голлар: 1:0 – 56 Лукаку (пенальти), 2:0 – 58 Лукаку, 2:1 – 79 Тринкау, 2:2 – 90+7 Коуди.«Челси»: Менди, Жеймс, Аспиликуэта (Сарр, 87), Тиаго Сильва, Рюдигер, Алонсо (Сауль, 46), Ковачич, Лофтус-Чик, Пулишич, Лукаку (Ҳаверц, 90), Вернер.
«Вулверҳэмптон»: Жозе Са, Кастро, Боли, Коуди, Саисс (Шикиню, 71), Аит-Нури, Дендонкер, Моутинью, Рубен Невеш (Тринкау, 77), Хименес, Нету (Хван Хи Чхан, 70).
Огоҳлантиришлар: Аспиликуэта (27), Саисс (36), Нету (45), Моутинью (51).
Изоҳ (0)