Futbol bo‘yicha Angliya Premyer Ligasining 36-turidan o‘rin olgan o‘yinlar 7-may, shanba kuni bo‘lib o‘tdi.
“Chelsi” Londonda “Vulverhempton” bilan bahs olib bordi. Uchrashuvning birinchi bo‘limida darvozalar daxlsizligi saqlanib qoldi.
Ikkinchi bo‘limni “aristokratlar” hujumkor tarzda boshladi. 56-daqiqada Romelu Lukaku penaltidan unumli foydalanib, hisobni ochdi. Oradan 2 daqiqa o‘tib, belgiyalik hujumchi dublni rasmiylashtirdi. 79-daqiqada Fransisko Trinkao hisobni qisqartirdi. Hakam qo‘shib bergan daqiqalarda Konor Koady gol urib, uchrashuvda durang natijani ta’minladi.
Durang natijadan so‘ng “Chelsi” ochkolari sonini 67 taga yetkazib, 3-o‘rinni mustahkamladi. “Vulverhempton” esa 50 ochko bilan 8-pog‘onada bormoqda.
APL
36-tur bahslari
7-may, shanba
“Chelsi” – “Vulverhempton” 2:2
Gollar: 1:0 – 56 Lukaku (penalti), 2:0 – 58 Lukaku, 2:1 – 79 Trinkau, 2:2 – 90+7 Koudi.“Chelsi”: Mendi, Jeyms, Aspilikueta (Sarr, 87), Tiago Silva, Ryudiger, Alonso (Saul, 46), Kovachich, Loftus-Chik, Pulishich, Lukaku (Haverts, 90), Verner.
“Vulverhempton”: Joze Sa, Kastro, Boli, Koudi, Saiss (Shikinyu, 71), Ait-Nuri, Dendonker, Moutinyu, Ruben Nevesh (Trinkau, 77), Ximenes, Netu (Xvan Xi Chxan, 70).
Ogohlantirishlar: Aspilikueta (27), Saiss (36), Netu (45), Moutinyu (51).
Izoh (0)