Футбол бўйича Англия Премьер Лигасининг 35-туридан ўрин олган сўнгги ўйинда «Манчестер Юнайтед» ва «Брентфорд» жамоалари 2 май, душанба куни ўзаро тўқнаш келди.
«Олд Траффорд»да ўтган ўйин мезбонларнинг 3:0 ҳисобидаги ғалабаси билан якунланди. 9-дақиқада Бруну Фернандеш ҳисобни очди, биринчи бўлим якунига Криштиану Роналду жамоасининг ажойиб ҳужумини якунлаб, ўз номини таблога ёздириб қўйганди, бироқ ҳакам вазиятни ўйиндан ташқари ҳолат дея баҳолаб, голни бекор қилди. Шунга қарамай 61-дақиқага келиб, Роналду пенальтидан гол уришнинг уддасидан чиқди ва орадаги фарқни оширди. 72-дақиқада эса Рафаэл Варан бурчакдан оширилган тўпни дарвозага жойлаб, мезбонларнинг йирик ғалабасини таъминлади.
Ушбу ғалабадан кейин «Манчестер Юнайтед»нинг очколари сони 58 тага етди, жамоа 6-ўринда бормоқда. Ҳисобида 40 очко бўлган «Брентфорд» 14-поғонани банд этган.
АПЛ
35-тур баҳси
2 май, душанба
«Манчестер Юнайтед» – «Брентфорд» 3:0
Голлар: 1:0 – 9 Бруну Фернандеш, 2:0 – 61, пенальти Роналду, 3:0 – 72 Варан.«Манчестер Юнайтед»: Де Хеа, Диогу Далот, Варан, Линдельоф, Теллес, Мата (Жонс, 75), Матич (Фред, 71), Бруну Фернандеш, Мактомини, Роналду, Эланга (Кавани, 75).
«Брентфорд»: Райя, Роэрслев, Янссон, Аер, Соренсен, Генри, Эриксен, Нергор (Йенсен, 71), Янелт (Дасилва, 71), Тоуни, Мбемо (Висса, 76).
Огоҳлантиришлар: Матич (54).
Изоҳ (0)