«Реал» ҳимоячиси Давид Алаба Чемпионлар Лигаси ярим финалидан ўрин олган «Манчестер Сити»га қарши жавоб ўйинида майдонга туша олмайди, деб хабар бермоқда Marca.
Хабарга кўра, австриялик футболчи умумий машғулотларда қатнашмаяпти, унинг «шаҳарликлар»га қарши баҳсда иштирок этиши деярли имконсиз.
29 ёшли футболчи дастлабки ўйинда (3:4) танаффусда жароҳат олгани сабабли алмаштирилганди.
Эслатиб ўтамиз, «Реал» — «Манчестер Сити» ўйини 4 май чоршанба куни бўлиб ўтади. Беллашув Тошкент вақти билан 00:00 да бошланади.
Маълумот учун, Алаба 2021/22 йилги мавсумда барча мусобақалар доирасида 45 ўйин ўтказиб, 3 та гол ва 4 та голли узатмага муаллифлик қилди.
Изоҳ (0)