«Арсенал» марказий ҳимоячиси Габриэль Магаляесга «Ювентус» қизиқиш билдирмоқда.
Журналист Жанлука Ди Марсионинг хабар беришича, туринликлар 24 ёшли бразилиялик футболчини мавсум охирида клубини ўзгартириши мумкин бўлган Жоржо Кьеллинига ўринбосар сифатида кўрмоқда.
«Арсенал» Габриэль билан хайрлашмоқчи эмас, бироқ «Ювентус» шартномага лондонликлар январь ойида ижарага олмоқчи бўлган ярим ҳимоячи Артурни ҳам қўшиши мумкин.
Маълумот учун, Габриэль 2020 йилдан бери «тўпчилар» сафида тўп суриб келади, у 2021/22 йилги мавсумда АПЛда 31 ўйин ўтказиб, 4 та голга муаллифлик қилди. 2005 йилда «Ювентус» футболчисига айланган Кьеллини эса Италия А Сериясининг бу йилги биринчилигида 19 учрашувда майдонга тушди.
Изоҳ (0)