Ўзбекистон аҳолисининг 2022 йил биринчи чораги учун умумий даромадлари маълум бўлди. Бу ҳақда Давлат статистика қўмитаси хабар бермоқда.
Январь март ойларига кўра аҳолининг умумий даромадлари 114,2 трлн сўмни ташкил қилган.
Аҳоли даромадлари бўйича реал ўсиш суръатларини ҳисоблашда нарх омиллари таъсирини чиқариб ташлаш мақсадида инфляция кўрсаткичларининг асосий турларидан бири – истеъмол нархлари индексидан (ИНИ) фойдаланилади.
Истеъмол нархларининг ўзгариши сабабли ўтган йилнинг мос даврига нисбатан аҳоли умумий даромадларининг реал ўсиш суръати 105,4 фоизни ташкил этди
Ўзбекистонда йил бошидан бери ҳар бир кишига умумий даромад 3,2 млрд сўмга етди. Аҳоли жон бошига даромадларнинг номинал ўсиш суръати 113,6 фоиз, реал ўсиш суръати эса 103,3 фоиз бўлган.
Аҳоли жон бошига даромадларнинг реал ўсиши ўтган йилнинг шу даврига нисбатан 2,3 фоизга камайган. Ўтган йили даромадларнинг реал ўсиши 105,6 фоиз бўлган эди.
Умумий даромаднинг 62,5 фоизини меҳнат фаолиятидан олинган даромадлар ташкил қилди. Бу кўрсаткич ўтган йилга нисбатан деярли ўзгармаган.
Трансфертлардан олинган даромадлар 26,6 фоиз бўлган бўлса, мол-мулкдан олинган даромади 3,1 фоизга етди. Шахсий истеъмол учун ишлаб чиқарилган хизматлардан олинган даромад 7,8 фоиз бўлди
Аввалроқ Ўзбекистонда 2022 йилнинг ўтган даврида ўртача ойлик иш ҳақи қанча бўлгани маълум қилинганди.
Изоҳ (0)