Бокс бўйича оғир вазн тоифасида собиқ жаҳон чемпиони Майк Тайсон самолётда бир эркакка ҳужум қилган, дея хабар бермоқда TMZ Sports.
Воқеа 20 апрель, чоршанба куни содир бўлган. 55 ёшли Тайсон Сан-Франциско аэропортидан Флоридага учиши керак эди.
Маст ҳолатда бўлган ёш йигит афсонавий спортчи билан гаплашишга уринган. Аввалига, Тайсон йигитчага тинчланишни маслаҳат берган, аммо у Майкнинг гапларига қулоқ солмагач, собиқ боксчи йигитнинг юзига бир беча бор зарба берган. Натижада жабрланувчининг пешонаси қонаган.
Гувоҳларнинг сўзларига кўра, Тайсон воқеадан сўнг дарҳол самолётни тарк этган. Жабрланувчи йигит эса тиббий ёрдам олганидан сўнг, полицияга мурожаат қилган.
Изоҳ (0)