УЕФА Суперлига лойиҳаси асосчиларига нисбатан санкциялар қўллаши мумкин. Мадрид суди УЕФАга қўйилган тақиқни олиб ташлади.
Мадриднинг янги судьяси София Хил ўзидан олдинги судьянинг УЕФАга Европа Суперлигасини ташкил этгани учун «Реал», «Барселона» ва «Ювентус»га жазо қўллашни тақиқлаш ҳақидаги қарорини бекор қилди.
Суд жараёни 14 июнь куни томонлар иштирокидаги йиғилишда давом этади.
Аввалроқ УЕФА Европа Суперлигаси асосчилари, шунингдек, дастлаб Суперлигага кириб, ундан сўнг чиқиб кетган жамоаларга нисбатан жарималарни бекор қилганди.
«Барселона» президенти Хоан Лапорта Европа Суперлигаси лойиҳаси ёпилмаганини айтиб ўтганди.
Ундан аввал Европа Суперлигаси ғоясини қўллаб-қувватловчи «Барселона», «Реал» ва «Ювентус» ёзда ўртоқлик ўйинлари ташкиллаштирмоқчилиги ҳақида хабарлар чиққан эди.
2021 йилнинг 18 апрель куни 12 клуб бошчилигида Европа Суперлигасига асос солинганди. Орадан икки кун ўтиб қатор клублар бирин-кетин лойиҳани тарк эта бошлади ва Суперлига лойиҳаси вақтинча тўхтатилди.
Изоҳ (0)