“Real” Ispaniya chempionatida “Osasuna”ga qarshi o‘yindagi g‘alabadan so‘ng (3:1) ta’qibchilaridan oldinlab ketdi.
Karlo Anchelotti jamoasi 33 o‘yindan so‘ng ochkolari sonini 78 taga yetkazdi. Madridliklar eng yaqin ta’qibchisi bilan oradagi farqni 17 taga yetkazdi.
“Granada” bilan o‘yindagi durangdan keyin “Atletiko” 61 ochkoga ega bo‘ldi va rasman chempionlik kurashidan chiqdi.
“Barselona”ning ochkolari soni 60 ta va kataloniyaliklar zaxirasida yana 2 ta o‘yin mavjud. “Ko‘k-anorranglilar” 21-aprel kuni “Real Sosyedad”ga qarshi bahs olib boradi. Bitta zaxira o‘yiniga ega “Sevilya”da ham 60 ochko bor.
“Real” chempionlik masalasini hal qilishi uchun 5 o‘yinda 4 ochko to‘plashi kifoya. Madridliklar keyingi turda “Espanyol”ni qabul qiladi, undan keyin esa “Atletiko” bilan bahs yuritadi. “Qaymoqranglilar” Madrid derbisidan so‘ng yoki undan avval (“Barselona” ochko yo‘qotadigan bo‘lsa) chempionlikni naqd qilib qo‘yishi mumkin.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)