Дунёнинг энг бой одами Илон Маск ўзининг шахсий уйи йўқ эканлигини ва дўстлариникида тунаб қолишини айтди.
Tesla раҳбари аллақачон ўз шахсий мулкларини сотишни режалаштирган. Унинг фикирга кўра, шахсий мулк одамни ривожланишдан орқага тортади
Энди ўзимнинг яшашга жойим ҳам йўқ, том маънода дўстларим билан яшайман. Агар Tesla жойлашган Сан-Франциско кўрфазига борсам, мен дўстларимнинг бўш хоналарида тунаб қоламан, — дейди Маск ТЕD конференциясида.Маскнинг қўшимча қилишича, у яхтага эга эмас ва йилига миллиардлаб долларни шахсий эҳтиёжларига сарфламайди. Фақатгина истисно тариқасида самолётдан фойдаланади.
Самолётдан фойдаланмасам, ишлашга вақтим кам бўлади, — дейди тадбиркор.Маск доимий уйи йўқлигини биринчи марта оммага ошкор қилди. 2020 йилда тадбиркор Twitter’да деярли барча мулкини сотишни режалаштираётганини айтган эди.
Bloomberg агентлиги Маскнинг бойлигини 18 апрель ҳолатига кўра 251 миллиард долларга баҳолаган.
Аввалроқ Илон Маск Twitter’ни сотиб олиш учун 43 млрд доллар нақд пул таклиф қилгани ҳақида хабар қилинган эди.
Изоҳ (0)