Dunyoning eng boy odami Ilon Mask o‘zining shaxsiy uyi yo‘q ekanligini va do‘stlarinikida tunab qolishini aytdi.
Tesla rahbari allaqachon o‘z shaxsiy mulklarini sotishni rejalashtirgan. Uning fikirga ko‘ra, shaxsiy mulk odamni rivojlanishdan orqaga tortadi
Endi o‘zimning yashashga joyim ham yo‘q, tom ma’noda do‘stlarim bilan yashayman. Agar Tesla joylashgan San-Fransisko ko‘rfaziga borsam, men do‘stlarimning bo‘sh xonalarida tunab qolaman, — deydi Mask TED konferensiyasida.Maskning qo‘shimcha qilishicha, u yaxtaga ega emas va yiliga milliardlab dollarni shaxsiy ehtiyojlariga sarflamaydi. Faqatgina istisno tariqasida samolyotdan foydalanadi.
Samolyotdan foydalanmasam, ishlashga vaqtim kam bo‘ladi, — deydi tadbirkor.Mask doimiy uyi yo‘qligini birinchi marta ommaga oshkor qildi. 2020-yilda tadbirkor Twitter’da deyarli barcha mulkini sotishni rejalashtirayotganini aytgan edi.
Bloomberg agentligi Maskning boyligini 18-aprel holatiga ko‘ra 251 milliard dollarga baholagan.
Avvalroq Ilon Mask Twitter’ni sotib olish uchun 43 mlrd dollar naqd pul taklif qilgani haqida xabar qilingan edi.
Izoh (0)