Россия БМТда Украинадаги воқеалар, жумладан, Буча шаҳрида тинч аҳолининг қирғин қилинишига оид далиллар бўйича халқаро тергов бошлаш ташаббусини илгари сурмайди. Бу ҳақда Россия ТИВнинг халқаро ташкилотлар департаменти директори Пётр Иличев «РИА Новости»га маълум қилди.
Унинг сўзларига кўра, Москва ушбу масалаларда терговнинг холис боришига шубҳа қилмоқда.
«БМТда ҳозирча ушбу масала кўтарилмади. Қанақа тергов бўлиши, уни ким олиб боришини кўриш керак. Афсуски, олдинги терговлар тажрибаси, жумладан, Халқаро жиноий суд линияси фавқулодда нохолис позицияни кўрсатмоқда», — дейди Иличев.
Бундан олдинроқ Путиннинг матбуот котиби Дмитрий Песков Россия Бучада тинч аҳолининг ўлдирилишига алоқаси борлигини рад этиши ва у ердаги воқеалар «максимал юқори даражада» — БМТ Хавфсизлик кенгашида муҳокама этилиши тарафдори эканини маълум қилганди.
Киев вилоятидаги Буча шаҳрида тинч аҳолининг қирғин қилингани 2 апрель куни, Россия ҳарбийлари чиқиб кетганидан кейин Украина армияси шаҳар устидан назорат ўрнатган пайтда маълум бўлди. Украина президенти маҳаллий аҳолининг ўлимида россиялик аскарларни айблади. Россия Мудофаа вазирлиги ҳалок бўлганларнинг видео ва суратларини «провокация» ва «Ғарб оммавий ахборот воситалари учун Киев режимининг томошаси» деб атади. Вазирлик маълумотларига кўра, рус ҳарбийлари 30 март куни шаҳарни тарк этгунга қадар Буча шаҳридаги бирорта ҳам маҳаллий аҳоли «ҳеч қандай зўравонлик ҳаракатларидан жабр кўрмаган».
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Мавзуга доир:
- Путин 64-мотоўқчи бригадасига гвардия фахрий мақомини берди. Украина ҳукумати ушбу ҳарбий бўлинманинг Буча босқинида иштирок этганини билдирганди
- ЕХҲТ: Россия Мариуполдаги туғуруқхона ва драма театрига ҳужум қилиш билан уруш жиноятларини содир этди
- БМТ: Украинада уруш бошланганидан бери 1480 нафар тинч аҳоли ҳалок бўлди
Изоҳ (0)