Марказий банк сўмдаги банк омонатлари ва кредитлари бўйича фоиз ставкаларининг инфографикасини маълум қилди.
Унга кўра аҳоли учун муддатли омонатларнинг ўртача йиллик фоиз ставкалари 20,9 фоизга етган. Бу сўнгги ўн йилликдаги рекорд кўрсаткичдир:
Компаниялар учун муддатли омонатлар эса 2021 йилнинг апрель ойидан бери энг баланд бўлди.
Марказий банк раисидан оддий фуқароларга пулни тежаш бўйича маслаҳат
Аввалроқ Марказий банк раиси Мамаризо Нурмуратов банклар томонидан таклиф этилаётган миллий валютадаги омонатлар шартларини ва фоиз ставкаларини манфаатли деб баҳолаган эди.Унинг фикрича, мамлакатда инфляция даражаси, айирбошлаш курси динамикаси ва омонатлар бўйича фоиз ставкалари орасидаги ижобийлик ҳисобга олинадиган бўлса, маблағларни миллий валютада узоқ муддат сақлаш тўғри қарордир.
Ҳар қандай ҳолатда барча омонатчиларга маблағларнинг тўлиқ қайтарилиши давлат томонидан кафолатланади, — деган эди Мамаризо Нурмуратов.Март ойи бошида Марказий банк асосий ставкани 14 фоиздан 17 фоизга кўтаргани ҳақида хабар берилган эди. Бу, тахмин қилинганидек, аҳоли учун миллий валютада омонатлар бўйича фоиз ставкаларининг ошишига олиб келди.
Изоҳ (0)