«Пахтакор» бош мураббийи Славче Войнески Осиё Чемпионлар Лигаси 4-тури доирасида «Ад-Дуҳайл»га қарши ўйиндаги мағлубиятдан (0:3) кейин ўз фикрлари билан ўртоқлашди.
Майдондаги ўйин натижага умуман мос бўлмади. Биринчи бўлимда рақиб иккита зарба берди ва ҳар иккиси гол билан тугади. Кейин эса учинчи тўпни ўтказдик. Беллашув мобайнида кўплаб вазиятлар яратдик, бироқ тўпни дарвозага кирита олмадик. Рақиб бурчак зарбаси ва узун узатмалардан сўнг гол уриб кетди.D гуруҳида 4-турдан кейин вазият қуйидагича: «Ад-Дуҳайл» (9), «Ат-Таъвун» (7), «Сапаҳон» (4), «Пахтакор» (3).Эдмилсонни тўхтатиш учун одатий бир ўйинчини бириктирдик, унга алоҳида эътибор сабабли бошқаларни бўш қолдирганимиз йўқ. Баъзи футболчиларда индивидуал хатолар бўлди. Навбатдаги икки ўйинда ғалаба учун ҳаракат қиламиз.
Славче Войнески, «Пахтакор» бош мураббийи
«Шерлар» кейинги турда 22 апрель куни «Сепаҳон»га қарши ўйнайди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)