Футбол бўйича Англия Премьер Лигасида 2015 йилдан 2020 йилга қадар 15 нафар футболчи допинг-тестдан ўта олмаган.
Daily Mail’нинг хабарига кўра, футболчиларнинг ҳеч бири дисквалификация қилинмаган. 15 футболчидан 12 нафари қувватни оширишга мўлжалланган тақиқланган моддалар истеъмол қилган.
Ушбу ҳолатлардан бири дастлабки тестдан беш ой ўтган бўлса-да, ҳамон текширув жараёнида. Ҳозирча футболчиларга нисбатан ҳеч қандай чора кўрилмаган.
2013—2020 йиллар оралиғида эса Англия, Уэльс ва Шотландиядан бўлган жами 88 нафар футболчи антидопинг қоидаларини бузган.
АПЛ футболчилари орасида тўртта ҳолатда Риталин ва биттасида сурункали гонадотропин моддаси борлиги аниқланган. Улар тестостерон гормонини оширишга ёрдам беради, ундан одатда велоспортчилар ва яккакурашчилар фойдаланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)