Футбол бўйича Осиё Чемпионлар Лигаси гуруҳ босқичи 3-тури доирасида «Насаф» 15 апрель, жума куни «Ал-Файсали» билан баҳс юритди.
Учрашувнинг 29-дақиқасида Тавареш томонидан урилган гол ўйинда ягоналигича қолди ва «Ал-Файсали»га ғалаба тақдим этди.
Ушбу мағлубиятдан сўнг Рўзиқул Бердиев шогирдлари E гуруҳида 4 очко билан 3-ўринга тушиб кетди. «Ал-Файсали» эса 7 очко жамғарган ҳолда 1-поғонани эгаллади.
Қаршиликлар илк турда «Ас-Садд» билан дуранг ўйнаганди. 2-турда «Ал-Виҳдат» устидан ишончли ғалабага эришганди.
E гуруҳининг иккинчи ўйинида эса «Ас-Садд» (Қатар) ва «Ал-Виҳдат» (Иордания) баҳс олиб борди ва қатарликлар 5:2 ҳисобида ғалаба қозонди.
ОЧЛ
3-тур баҳси
15 апрель,жума
«Насаф» — «Ал-Файсали» 0:1
«Насаф»: 35. Абдувоҳид Неъматов, 2. Алибек Давронов (9. Иван Соловев,79), 4. Ҳусниддин Алиқулов, 7. Шароф Муҳиддинов ( 17. Суҳроб Нуруллоев, 68), 8. Дилшод Саитов, 10. Ҳусайн Норчаев, 18. Баҳром Абдураҳимов (77. Ойбек Бозоров, 46), 22. Акмал Мозговой, 88. Марко Станоевич, 92. Умарбек Эшмуродов, 99. Семир Смайлагич.«Ал-Файсали»: 26. Мустафо Малаэка, 5. Муҳаммад ал-Амри, 6. Ҳишам Фаик,7. Исмоил Лима, 9. Мартин Бойл, 12. Ҳуссайн Солиҳ Салим, 13. Аҳмад ал-Асири (22. Ясин Барнави, 18), 17. Солиҳ ал-Қумайри, 19. Жулио Тавареш, 39. Абдулраҳмон ал-Досари (77. Ҳолид Кааби, 73), 99. Волид ал-Аҳмад.
Изоҳ (0)