Бугун,

  • USD 11014.01
  • RUB 191.8
  • EUR 10674.78

Ўтган ҳафта давомида бутун дунёда 9 миллиондан ортиқ одам коронавирус билан касалланган, улардан 26 мингдан ортиғи вафот этган. Шу билан бирга, Жаҳон соғлиқни сақлаш ташкилотининг (ЖССТ) ҳафталик ҳисоботи маълумотларига кўра, ўтган ҳафтада ўлимлар сони ундан аввалги ҳафтага нисбатан 43 фоизга камайди.

Фото: Getty Images

Фото: Getty Images

«28 мартдан 3 апрелгача COVID-19 билан касалланиш бўйича янги ҳолатлар аввалги ҳафтага нисбатан 16 фоизга, вафот этганлар сони эса 43 фоизга камайди», — дейилади хабарда.

Ҳафта давомида ЖССТга 10 миллион 351 минг 818 киши инфекцияни юқтиргани, 26 285 киши касалликдан вафот этгани ҳақида хабарлар келиб тушган. Ўтган ҳафтада касалланганлар сонининг камайиши ЖССТнинг барча олтита минтақасида кузатилган. Бу айниқса, Африка (минус 19 фоиз), Европа (минус 16 фоиз) ва Ғарбий Тинч океани минтақасида (минус 16 фоиз) яққол намоён бўлди. Ўлим даражасининг пасайиши ҳам барча ҳудудларда қайд этилди, айниқса Жануби-Шарқий Осиёда (73 фоизга) ва Америкада (63 фоизга) сезиларли пасайиш кузатилди.

Эслатиб ўтамиз, ташкилот аввалги ҳафтада, 21—27 март кунлари бутун дунё бўйлаб коронавирусдан вафот этганлар сони 43 фоизга ўсгани ҳақида хабар қилганди.

ЖССТ, шунингдек, COVID-19 «ривожланишда давом этаётганини» эслатди. «Инфекция юқишининг ҳозирги юқори даражасини ҳисобга олсак, коронавируснинг бошқа вариантлари, жумладан, рекомбинантлар ҳам пайдо бўлиши мумкин», — дейилади маълумот варақасида.

ЖССТ маълумотларига кўра, ўтган сутка давомида дунё бўйлаб 870 мингдан ортиқ одамда коронавирус аниқланган ва 3,8 мингдан ортиқ ўлим қайд этилган. Пандемия даврида жами 490,8 миллиондан ортиқ касалланиш ҳолати қайд этилган, 6,1 миллиондан ортиқ киши вафот этган.

Изоҳ
Асосий янгиликлар